Ia 50 urteko historia duen Herria Auzo Elkartea Durangoko kultur eragile nagusienetariko bat izan zen 70, 80 eta 90. hamarkadetan. Imanol Larzabal kantautorea gutxienez zazpi alditan gonbidatu zuten kantatzera urte hauetan zehar eta horregatik omenaldia prestatu diote, bere figurak elkarteko kide eta auzokoentzat suposatu zuena oroitzeko. 
Zuzeneko musikak gidatuko duen ekitaldi honek hainbat elementu bateratuko ditu, prosa, poesía, dantza eta bertsoa besteak beste.