Zainketez eta maitasunaz mintzo den tragikomedia absurdo eta poetikoa, Lore eta Jonen bikote istorioaren bidez kontatua. Izan ere, elkarbizitza zeharo aztoratuko da Jonek Loreren ama eurekin bizitzera gonbidatzen duenean.

Egoera barregarri eta surrealistak sortuko dira orduan, etxebizitza eta euren bizitzak erabat nahastuz. 
Lorek lur azpian hondoratzen dela sentitzen du, eta amarena izango da laguntzeko prest topatuko duen esku bakarra.

Pertsonaien iraganaren, orainaren eta etorkizunaren artean bizi den narrazio hautsia.