Izar Sessions formatuan, artistek beren errepertorioaren zati bat zuzenean interpretatzen dute estudioan, bideoz eta audioz grabatuta. Horrela, estudioko grabazioaren kalitatea eta zuzeneko interpretazioaren freskotasuna uztartzen dira; publikoak gero eta gehiago eskatzen duen berezkotasuna.
Saio honetan NHIL BAND eta YKO PROJECT arituko dira:
NHIL. POP-SOUL SOFISTIKATUA
Aretxabaletako (Gipuzkoa) taldeak 8 urte daramatza lokalean lehen melodiak eraikitzen hasi zenetik.
Pop-soul sofistikatu baten inguruan mugitzen dira, eta horrek Radio 3ko kontzertuetan, Donostiako Jazzaldian edo Bilboko BIMEn jotzera eraman ditu. Taldearen zuzenekoa xehetasunez beteta dago, eta publikoa modu adi, libre eta errespetutsuan gozatzera bultzatzen du.
Hirugarren lan honetan ( Etxea 2025), Santi Quizhpek La CasaMuradan zuzenean grabatua, proiektu honen atzean dagoen artisautza, gordintasuna eta adiskidetasuna suma daitezke.
YKO PROJECT: MUSIKA MUGA K HAUSTEN DITUEN FUSIOA
Etiketa eta geografia guztiak gainditzen dituen soinuarekin, YKO Project eszena garaikideko proposamen berritzaile eta iradokitzaileenetako bat bezala aurkezten da. Amaya Decaudin abeslari eta konpositoreak zuzentzen du taldea, Richie Salvador (pianoa), Heverton Luiz dos Santos (bateria) eta Jorge Sánchez (baxua) lagun dituela. Elkarrekin, soul, funk, jazz, trip hop eta latin, kubatar zein brasildar musikaren sustraiak uztartzen dituen alkimia sonoroa sortzen dute.
Duela hamarkada bat baino gehiago Amayaren bilaketa pertsonal gisa jaio zena, kultur aniztasuna eta musika-esperimentazioa ospatzen dituen kolektibo bihurtu da. Elektronikak eta testura etnikoek markatutako lehen etapa baten ondoren, YKO Project-ek soinu zinematografiko, sakon eta inguratzaile baterantz eboluzionatu du, entzulea emozio eta paisaia sonoroen unibertso batera garraiatzeko gai dena.
Emaitza eszenatoki gaineko presentzia indartsua eta sakonera emozional paregabea duen laukotea da, belarria zein anima konkistatzeko gai dena.
Alemanian, Andaluzian, Euskadin eta Frantzian egindako emanaldiekin, YKO Project-ek aztarna utzi du nazioarteko agertokietan, bere proposamen multikulturalari eta zuzeneko energiari esker. Orain, taldea hedapen etapa berri baterako prestatzen ari da, bere mugarik gabeko soinua mundu osoko publiko eta jaialdi berrietara eramanez.
