‘Durangoko nire txokorik gogokoena’ tokiko II. argazki-lehiaketa herritarren harrera bikainarekin eta parte-hartze zabalarekin amaitu bigarren edizioa. Ekimena udalerriko edertasunari eta berezitasunari balioa emateko bultzatu da, herritarren ikuspegiaren bidez, eta 135 argazki jaso ditu guztira.

Aurkeztutako irudien bidez, parte-hartzaileek Durangoko hainbat ikuspegi erakutsi dituzte, bertako paisaia, ondarea, kultura, tradizioak eta udalerriaren nortasunaren parte diren txokoak islatuz. Horrela, Durangoko aberastasuna ikuspegi hurbiletik eta pertsonaletik ezagutzeko eta partekatzeko aukera gisa sendotzen da lehiaketa.

Epaimahaiaren balorazioaren ondoren, hauek izan dira edizio honetan saritutako argazkiak:

• Lehen saria: Pilar Quiroga Rodríguez
• Bigarren saria: Nerea Gastón

Lehen sariak 200 euroko diru-saria du, eta bigarrenak 100 eurokoa. Gainera, herriko argazki irabazlea udalerriko promozio-material ezberdinen protagonista izango da, eta 2.000 postal, 1.000 pegatina eta 500 kartel argitaratuko dira, saritutako irudia herritarren artean zein Durango bisitatzen duten pertsonen artean zabaltzeko.

Era berean, argazki irabazleak Durango ordezkatuko du ‘Nire txokorik gogokoena’ lehiaketa nazionalean. Lehiaketa horren ebazpena irailaren 27tik aurrera jakinaraziko da, Turismoaren Munduko Egunarekin batera.

Jesica Ruiz, Turismoko zinegotziak parte-hartzaile guztien inplikazioa eskertu du, eta udalerriko aberastasuna beren begiraden bidez zabaltzen jarraitzera animatu ditu herritarrak. Ildo horretan, horrelako ekimenek Durango eta haren erakargarritasunak ezagutarazteko duten garrantzia azpimarratu du, udalerria osatzen dutenen ikuspegitik.

“Lehiaketa aukera bikaina izan da gure ondarea, gure herritarrak eta Durangoko txoko bakoitzaren edertasuna ezagutarazteko. Udaletik eskerrak eman nahi dizkiegu parte hartu duten guztiei, baita epaimahaiari ere, argazki irabazleak hautatzeko izan duten arduragatik eta egindako ahaleginagatik. Gure udalerriaren xarma irudietan biltzen jarraitzera eta sare sozialetan zabaltzera animatu ditugu herritarrak. Leiho horri esker, Durangoko kultur eta natura aberastasuna erakuts daiteke; izan ere, txoko paregabeak ditu herriak, nabarmentzekoak eta ezagutzera emateko modukoak ”, adierazi du Ruizek.

Bigarren edizio honekin, ‘Durangoko nire txokorik gogokoena’ lehiaketa finkatu egin da herritarrak gure espazio, paisaia eta txokoak baloratzera gonbidatzeko; izan ere, herriaren edertasuna gerturatzen du argazkien eta herritarren parte-hartzearen bidez.