Durangoko Udaltzaingoaren helburu nagusia da herritarren askatasun eta eskubideak bermatzea, prebentzioaren eta laguntzaren bidez, gizartearekin lankidetzan aritzea eta herritarren ongizatean eta bizi-kalitatean laguntzea.
Horretarako, oinarrizko balio hauek ditu:

• Beti eskuragarri dagoen zerbitzua izatea.
• Profesionala eta herritarrengandik gertukoa izatea, hauen beharrak ulertuz eta horiei erantzunez.
• Zerbitzu eraginkorra eta efizientea izatea, gizartea eta indarrean dagoen lege-esparruaren etengabeko aldaketetarako prest eta irekita dagoena.
• Zerbitzu arduratsua izatea, gizarte demokratiko batean duen funtsezko eginkizunaz jabetuta, eta Segurtasuna eta Gizarte Ongizatea mantentzea.