Arriskutsuak izan daitezkeen animalien lizentzia BERRITZEKO baldintzak
- Honako delitu hauetako batengatik kondenarik jaso ez izana: giza hilketa, lesioak, tortura, askatasunaren edo osotasun moralaren aurkako atentatua, sexu-askatasunaren eta osasun publikoaren aurkako delituak, talde armatuarekin edo narkotrafikoarekin elkartzeagatik kondenarik ez izana, bai eta ebazpen judizial bidez arriskutsuak izan daitezkeen animaliak edukitzeko eskubidea kenduta ez izatea.
- Arriskutsuak izan daitezkeen animalien araubide juridikoari buruzko abenduaren 23ko 50/1999 Legeak aurreikusten dituen zehapenetako bat jaso ez izana.
- Arriskutsuak izan daitezkeen animaliak edukitzeko gaitasun fisikoa eta gaitasun psikologikoa izatea.
Lizentziak indarra galduko du aurretik ezarritako baldintzaren bat betetzeari uzten zaionean.
Non berritzen da lizentzia ?
Eskaera orria Udaltzaingoaren bulegoetan eta Herritarrei Arreta emateko Zerbitzuaren bulegoetan jaso daiteke.
Eskaera-inprimakia eta aurkeztu beharreko dokumentazioa Herritarrei Arreta Emateko Zerbitzuaren bulegoetan erregistratzen dira. Behin erregistroa eginda, Udaltzaingoa eskatzailearekin harremanetan jarriko da, izapidea eginda dagoela adierazteko.
Bi bulegoak hemen daude: Barrenkale 17, 48200 – Durango
Aurkeztu beharreko dokumentazioa:
- Lizentzia berritzearen-eskaeraren eskabide-orria
- Eskatzailearen NANa
- Eskatzailearen argazki bat, koloretakoa eta karnetaren tamainakoa.
- Gaitasun fisikoaren eta gaitasun psikologikoaren ziurtagiria. Baimena eskatu aurreko hiru hilabeteetan baimendutako zentro batek emana.
- Tasa ordaindu izanaren egiaztagiria: BALIOZKO ZENBATEKOA INDARREAN DAUDEN UDAL-ORDENANTZETAN EZARRITAKOA DA
- Banku erakundea: Kutxabank
- Konturen Zenbakia: Durangoko Udala.
Udal diru-bilketa. ES33- 2095-0036-61-3239029204 - Kontzeptua: “Lizentzia tasa PPP + NAN zenbakia” Adibidez : Lizentzia tasa PPP_14852947B
- Zenbatekoa: Dagokion urteko ordenantza fiskaletan ezarritakoa.
Araudia
- 50/1999 Legea, abenduaren 23koa, Arriskutsuak izan daitezkeen animaliak edukitzearen araubide juridikoari buruzkoa.
- 287/2002 Errege Dekretua, martxoaren 22koa, Arriskutsuak izan daitezkeen Animaliak edukitzearen Araubide Juridikoari buruzko abenduaren 23ko 50/1999 Legea garatzen duena.
- 101/2004 Dekretua, ekainaren 1ekoa, Euskal Autonomia Erkidegoan txakurrak edukitzeari buruzkoa.