Durangoko Udalak Arripausuetako 1., 2. eta 3. padel pistetako belarra berritu du, oso erabiliak diren eta erabiltzaileen artean harrera bikaina duten instalazioetan.

Lanek 18.029,00 euroko aurrekontua izan dute eta Padeltech enpresari esleitu zaizkio. Jarduketaren bidez, aurreko zorua kendu eta padelean aritzeko berariazko belar urdina jarri da hiru pistetan.

Estalitako 2. eta 3. pistetan monofilamentu testurizatuko belarra jarri da, erabilera intentsiborako bereziki aproposa; kanpoko 1. pistan, berriz, monofilamentu zuzeneko belarra instalatu da. Bi materialek UV tratamendua dute eta erresistentzia handia eskaintzen dute.

Obrek hiru egun iraun dute, eta instalazioak berriro erabilgarri daude.

Iker Txertudi Kirol zinegotziak nabarmendu duenez, “udal padel pistek erabilera maila handia erregistratzen dute eta herritarren artean oso onarpen ona dute. Horregatik, garrantzitsua zen berritze-lan horri ekitea eta instalazioak ahalik eta baldintza onenetan bermatzea”.

Txertudik gaineratu duenez, “belar berriak jokoaren kalitatea, erosotasuna eta erabiltzaileen segurtasuna hobetzeari bide emango dio, pista hauek duten eskaera handiari erantzuna emanez”.

Jarduketa hau udal kirol-instalazioak kontserbatzeko eta mantentzeko ohiko lanen esparruan kokatzen da, eta herritarrek asko erabiltzen eta baloratzen dituzten pistak hobetzea ahalbidetzen du.