Giza Liburutegia 2000. urtean sortu zen Danimarkan, herrialdean zegoen giza mugikortasun izugarriak bizikidetzarako eta gizarte-kohesiorako planteatzen zituen erronkak ezaugarri zituen testuinguru batean, eta gizarte-harreman berrien eraikuntza erraztuko zuten eta kolektibo ahulenen inguruan zeuden estereotipoak eta aurreiritziak indargabetzen lagunduko zuten ekintzak bultzatzeko beharra ikusi zen. Testuinguru horretan, Kopenhageko Stop The Violence GKEak indarkeriaren eta diskriminazioaren aurkako elkarrizketa sustatzeko proiektua abiarazi zuen, kultura, erlijio, etnia eta bizimodu desberdinetako pertsonen arteko tolerantzia eta ulermena bultzatzeko modu gisa.

"Bideak gurutzatuz: gure komunitatea osatzen duten bizitza historia migratzaileak" izenburupean, azaroan, pertsonen arteko elkarrizketa, topaketa, esperientzia eta ezagutzen trukea sustatzeko jarduera-programa bat aktibatzen da. Programa horren ardatza Giza Liburutegiaren inguruan egituratuko da, eta hainbat jatorritako pertsonek osatuko dute, izendatzaile komun batekin: migrazioa.