Denboraren Bankua lankidetza eta laguntza komunitarioko eredu bat da, pertsonen artean denbora, zerbitzuak, jakintzak eta ezagutzak borondatez, askatasunez eta modu antolatuan trukatzen dituena.

Berez, bizikidetzarako eta gizarte-kohesiorako espazio bat da; izan ere, zerbitzuen eta jardueren trukearen bidez, elkartasuna, konfiantza, pertsonen arteko harremanak eta taldearekiko nortasun-sentimendua sustatzen ditu, eta, horrela, parte hartzeko eta gizarteratzeko tresna bat da.